මෙතෙක් කලක් "උදේන්ද්‍රගේ සිතුවිලි" නම් වූ මේ බ්ලොගය අද සිට "උදනිඳුගේ සිතුවිලි" ලෙස නම් කරමි. 'සුරනිඳු', 'නරනිඳු', ආකාරය අනුව යමින් සකු ආරෙන් මිදීමට සිත් වුණු හෙයිනි. 'සුරිඳු', 'නරිඳු', අයුරින් 'උදිඳු' කරන්නට සිතුණ ද ගණ ගැනත් යම්තම් සිතා පෙර ආකාරයට වඩාත් කැමති වීමි. එනමුදු දෙවදනේ ම මුලකුරු තුන ලඝු බැගින් සමන්විතව දේව ගණයට අයිති බැවින් ඒ ගැනද එතරම් සිතන්නට දෙයක් නොතිබුණි. අක්ෂර සම්බන්ධයෙන් ද කරුණු එසේම යැ. වෙනසක් තිබේ නම්, වාග් ශාස්ත්‍රය පිළිබඳ දැනුමැතියෙකුගෙන් ඒ ගැන දැනගන්නට උදක්ම කැමැත්තෙමි.
