ඕං එහෙනං පරක්කු වෙලා හරි සිංහලෙනුත් ලියන්න පටන් ගත්තා. නමුත් සුද්ධ සිංහලෙන් නම් නෙවෙයි. කතා භාෂාවෙනුත් ලිඛිත භාෂාවෙනුත් ලියනවා. ඒ වගේම ඕනෑවුණොත් ඉඳලා හිටලා ඉංග්‍රීසි කෑලිත් දානවා. ඒක මගේ කැමැත්තනේ. හැබැයි ලිව්වොත් ලියන්නේ මටත් ඕගොල්ලන්ටත් වැඩක් ඇති දෙයක් තමයි. නැතුව මොකට මගේ ඇඟිලි රිද්ද ගන්නවාද, නේද? “එතකොට හිත??” කෙනෙක් කියනවා ඇහුණා. ඒ ගැන බයවෙන්න එපා. මොකද, මම ලියන්න පටන් ගත්තාම වචන එන්නේ නිරායාසයෙන්ම යි. - රහසින් - ඒ වුණාට හිතලා ලියන වෙලාවලුත් තියෙනවා හොඳේ… :D
ඊට අමතරව, මේ බ්ලොග් එකේ වාර්තාමය වශයෙන් යම් යම් දේවල් සටහන් කරන්නත් බලාපොරොත්තු වෙනවා. මේ හැමදෙයක් ගැනම ඕගොල්ලන්ට අදහස් ඉදිරිපත් කරන්න (ඉංග්‍රීසියෙන් comments කියලා කියන්නේ) දෙනවාද නැද්ද කියලා මම තාම හිතුවේ නැහැ. ඒ ගැන සමාවෙන්න. එහෙනම්, ඔබට ජය! මීළඟ සටහනෙන් හමුවෙමු.
