මේක ළඟදී කොච්චි ගැන කියවන්න ගිහින් වෙච්චි දෙයක්. ඕගොල්ලො දන්නවාද දැවිල්ල නැත්නම් සැර මනින්න ඒකකයකුත් තියෙනවා කියලා? මේකට කියන්නේ ස්කෝවිල් පරිමාණය (Scoville scale) කියලා. ඔය ස්කෝවිල් කියන්නේ මේ ක්‍රමය ලෝකෙට හඳුන්වා දුන්න කෙනාගේ නම.
සරලව කිව්වොත් මෙතැනදී කරන්නේ මිරිස් ජාතියක ඇති කැප්සිනොයිඩ (capsinoid) ප්‍රමාණය මනින එක. එතැනදී මිරිස්වල තියෙන කැප්සිනොයිඩ වෙන් කරලා අරං සීනි ද්‍රාවණයක කලවම් කරනවා. ඊට පස්සේ ඒකට මිනිස්සු 5 දෙනෙකුගේ උදව්වත් (රස බැලීමට) ලබා ගන්න නිසා මේ මිම්ම නිවැරදි ම එකක් නෙමෙයි. අන්තිමේ දී කොච්චර සැරද කියලා කියන්නේ SHU එහෙමත් නැත්නම් Scoville heat units ගාණෙන්. උදාහරණයක් වශයෙන් කිව්වොත් අපි සාමාන්‍යයෙන් දන්න කොච්චි කරලක SHU ගාණ 100,000 - 225,000 අතර වෙනවා.
හැබැයි 1980 ගණන් වලින් පස්සේ දැවිල්ල මනින්න වඩාත් විද්‍යාත්මක වගේම නිවැරදි ක්‍රමයක් පාවිච්චි වෙනවා. ඒකට කියන්නේ High-performance liquid chromatography (අධි ක්‍රියාකාරීත්ව ද්‍රව වර්ණලේඛ ක්‍රමය) කියලා. ඉතින් වැඩිදුර විස්තර දැනගන්න ඔය ලින්ක්වලට ගිහින් කියවලා බලන්න.
