වේලාව පස්වරු 2.10 පමණ වන්නට ඇත. දිනය අප්‍රේල් 11 වැනිදාය. සිව්වැනි මහලේ මිතුරෙකුගෙන් මාගේ දුරකථන දිගුවට ඇමතුමක් ලැබුණි.
"මල්ලී, පොළොව හෙල්ලෙනවා වගේ දැනෙනවාද?"
පරණ අවුරුද්දේ විහිළුවක්වත්ද?
"නැහැ, ඇයි?" මම ඇසුවෙමි.
"අපිට නම් ඒ වගේ දැනෙනවා." ඔහු කීවේය.
මම දෙපය කාපට් එක මත හොඳින් තබා බැලීමි. එහෙත් කිසිවක් නොදැනේ. කොහෙන්දෝ පැමිණි හැඟීමක් අනුව මාගේ දෙනෙත් මේසය මත ඇති වතුර වීදුරුව දෙසට යොමු කළෙමි. සැබෑය. එහි ජලය සෙලවේ.
"හැබැයි මගේ වීදුරුවේ වතුර හෙල්ලෙනවා. ළඟපාතක මොනාහරි ඩ්‍රිල් කරනවාද දන්නැහැ." මම ඔහුට පැවසුවෙමි.
"නැහැ නැහැ, දැන් මාතරෙනුත් කෙනෙක් කතා කරලා කිව්වා."
"එහෙනම් මොකක් හරි කේස් එකක්. බලමු." මම රිසීවරය තැබුවෙමි.
මේ අතර, කාර්යාලයේ අනිකුත් අය වතුර ෆිල්ටරය දෙස බලා සිටියෝය. එහි ජලය ද සෙලවෙනු ඔවුන් දැක ඇත. දැන් නම් වීදුරුවේ ජලය නිශ්චලය. සුළු කම්පනය පහව ගොසිණි. මම එවේලේම Twitter එකට ලොග් වුණෙමි. සැබෑය. එය අත්විඳ ඇත්තේ අප පමණක් නොවේය. ට්විටරයේ සිටිනා තවත් මිතුරන් ද ලංකාවේ නොයෙකුත් ප්‍රදේශ වලින් සුළු භූකම්පනයක් අත්විඳි බවට tweet කර ඇත. සමාජ මාධ්‍යයේ වේගය හා අරුම! සාම්ප්‍රදායික පුවත් සේවා හා ඒවායේ නූතන මුහුණුවරක් ලෙස ඉදිරිපත් කෙරෙන ඔවුන්ගේ වෙබ් අඩවි ද බර කරත්ත ගානට පත්කර ඇත.
කම්පනය ගොඩනැගිලිවල ඉහල මහල්වලට වඩාත් හොඳින් දැනී ඇත. මේ, මා මෙවන් අත්දැකීමක් ලද ප්‍රථම අවස්ථාව ය. තව දුරටත් ට්විටරය පරීක්ෂා කිරීමේදී දැනගන්නට ලැබුණේ ඉන්දුනීසියාවේ සුමාත්‍රා දූපතට ආසන්න මුහුදු පතුලේ විශාලත්වයේ අගයෙන් 8.7 ක් වූ භූමිකම්පාවක් සිදුව ඇති බවයි. දැන් කාරණය පැහැදිලිය. ඉන්දියානු සාගර කලාපයට සුනාමි අනතුරු ඇඟවීම් නිකුත් කර ඇත. කාලගුණ විද්‍යා දෙපාර්තමේන්තුවේ වෙබ් අඩවියේ මොකුත් ම නැත. අපට පස්වරු 3.15 ට නිවෙස් බලා යෑමේ අවස්ථාව ද හිමි වී ඇත. Dialog ජාලය හරියට ක්‍රියා කරන්නේ ද නැත.
මද වේලාවකට පසු ශ්‍රී ලංකාවේ මුහුදුබඩ ප්‍රදේශවලට නිල සුනාමි අනතුරු ඇඟවීමක් නිකුත් කරන ලදී. ඉනික්බිති ඒ පළාත්වල නොසන්සුන්කාරී තත්ත්වයක් ඇති වූ බවද මාධ්‍ය විසින් ප්‍රචාරය කරන ලදී. මේ නිසා බොහෝ දෙනා අසීරුතාවට පත් වූහ. කෙසේ වෙතත්, වාසනාවකට මෙන් සුනාමියක් පැමිණියේ නැත. රාත්‍රී 7 ට අනතුරු ඇඟවීම නිල වශයෙන් අවසන් විය.
"මල්ලී, පොළොව හෙල්ලෙනවා වගේ දැනෙනවාද?"
පරණ අවුරුද්දේ විහිළුවක්වත්ද?
"නැහැ, ඇයි?" මම ඇසුවෙමි.
"අපිට නම් ඒ වගේ දැනෙනවා." ඔහු කීවේය.
මම දෙපය කාපට් එක මත හොඳින් තබා බැලීමි. එහෙත් කිසිවක් නොදැනේ. කොහෙන්දෝ පැමිණි හැඟීමක් අනුව මාගේ දෙනෙත් මේසය මත ඇති වතුර වීදුරුව දෙසට යොමු කළෙමි. සැබෑය. එහි ජලය සෙලවේ.
"හැබැයි මගේ වීදුරුවේ වතුර හෙල්ලෙනවා. ළඟපාතක මොනාහරි ඩ්‍රිල් කරනවාද දන්නැහැ." මම ඔහුට පැවසුවෙමි.
"නැහැ නැහැ, දැන් මාතරෙනුත් කෙනෙක් කතා කරලා කිව්වා."
"එහෙනම් මොකක් හරි කේස් එකක්. බලමු." මම රිසීවරය තැබුවෙමි.
මේ අතර, කාර්යාලයේ අනිකුත් අය වතුර ෆිල්ටරය දෙස බලා සිටියෝය. එහි ජලය ද සෙලවෙනු ඔවුන් දැක ඇත. දැන් නම් වීදුරුවේ ජලය නිශ්චලය. සුළු කම්පනය පහව ගොසිණි. මම එවේලේම Twitter එකට ලොග් වුණෙමි. සැබෑය. එය අත්විඳ ඇත්තේ අප පමණක් නොවේය. ට්විටරයේ සිටිනා තවත් මිතුරන් ද ලංකාවේ නොයෙකුත් ප්‍රදේශ වලින් සුළු භූකම්පනයක් අත්විඳි බවට tweet කර ඇත. සමාජ මාධ්‍යයේ වේගය හා අරුම! සාම්ප්‍රදායික පුවත් සේවා හා ඒවායේ නූතන මුහුණුවරක් ලෙස ඉදිරිපත් කෙරෙන ඔවුන්ගේ වෙබ් අඩවි ද බර කරත්ත ගානට පත්කර ඇත.
කම්පනය ගොඩනැගිලිවල ඉහල මහල්වලට වඩාත් හොඳින් දැනී ඇත. මේ, මා මෙවන් අත්දැකීමක් ලද ප්‍රථම අවස්ථාව ය. තව දුරටත් ට්විටරය පරීක්ෂා කිරීමේදී දැනගන්නට ලැබුණේ ඉන්දුනීසියාවේ සුමාත්‍රා දූපතට ආසන්න මුහුදු පතුලේ විශාලත්වයේ අගයෙන් 8.7 ක් වූ භූමිකම්පාවක් සිදුව ඇති බවයි. දැන් කාරණය පැහැදිලිය. ඉන්දියානු සාගර කලාපයට සුනාමි අනතුරු ඇඟවීම් නිකුත් කර ඇත. කාලගුණ විද්‍යා දෙපාර්තමේන්තුවේ වෙබ් අඩවියේ මොකුත් ම නැත. අපට පස්වරු 3.15 ට නිවෙස් බලා යෑමේ අවස්ථාව ද හිමි වී ඇත. Dialog ජාලය හරියට ක්‍රියා කරන්නේ ද නැත.
මද වේලාවකට පසු ශ්‍රී ලංකාවේ මුහුදුබඩ ප්‍රදේශවලට නිල සුනාමි අනතුරු ඇඟවීමක් නිකුත් කරන ලදී. ඉනික්බිති ඒ පළාත්වල නොසන්සුන්කාරී තත්ත්වයක් ඇති වූ බවද මාධ්‍ය විසින් ප්‍රචාරය කරන ලදී. මේ නිසා බොහෝ දෙනා අසීරුතාවට පත් වූහ. කෙසේ වෙතත්, වාසනාවකට මෙන් සුනාමියක් පැමිණියේ නැත. රාත්‍රී 7 ට අනතුරු ඇඟවීම නිල වශයෙන් අවසන් විය.
